سوات: بین الاقوامی ماہرین آثار قدیمہ کا سوات کے قدیم بازیرہ شہر میں مٹی کے برتنوں کے ایک بھٹے اور ایک اسٹوپا کے کھنڈرات دریافت کرنے کا دعویٰ ۔
سکندر اعظم کے شہر کے نام سے مشہور بریکوٹ کے شہر بازیرہ میں اٹلی کے ماہرین نے محکمہ آثار قدیمہ کے تعاون سے کھدائی شروع کی تھی۔ماہرین آثار قدیمہ کا کہنا تھا کہ حالیہ کھدائی بہت اہمیت کی حامل تھی کیونکہ انہوں نے بدھست اسٹوپا اور مٹی کے برتنوں کا ایک بھٹا دریافت کیا
” شکاگو یونیورسٹی کی پی ایچ ڈی اسکالر ایلس کیپریولی نے کہا کہ بازیرہ میں کھدائی کی اہمیت دو گنا ہوگئی ہے کیونکہ ہم نے ایک نئے اسٹوپا کی کھدائی کی ہے، جو ہنا دور سے تعلق رکھتا ہے۔ کھدائی کا دوسرا اہم عنصر مختلف گڑھوں کے ساتھ سیرامک کی پیداوار کے ایک بڑے بھٹے کی دریافت ہے،
کھدائی کرنے والی ٹیم کا کہنا ہے کہ مٹی کے برتنوں کے بھٹے اور اسٹوپا کا کھوج بہت اہمیت کا حامل ہے قدیم شہر کے جنوبی حصے میں کھدائی جاری تھی جہاں وہ ہند یونانی دور تک پہلے پہنچے تھے۔ انہوں نے مزید کہا کہ مٹی کے برتنوں کی دریافت کے لئے پہلے ان گڑھوں کی کھدائی کی جہاں مٹی کو صاف کیا گیا ۔
میڈم کیپرولی نے کہا کہ سوات ویلی ماہرین آثار قدیمہ کے لیے ایک جنت کی مانند ہے، خاص طور پر ان لوگوں کے لیے جنہوں نے بدھ مت یا گندھارا آرٹ اور آثار قدیمہ کا مطالعہ کیا ہو۔
"سوات ایک اہم خطہ ہے جہاں ہم بدھ مت کے مختلف دھارے اور حصے تلاش کر سکتے ہیں، جو یہاں پیدا ہوئے اور پھر دنیا بھر میں پھیل گئے۔ سوات بدھ مت کی تاریخ کا ایک بنیادی مقام ہے۔” انہوں نے مزید کہا کہ سوات آنا ان کے لیے ایک خواب تھا جو پورا ہوا اور وہ بار بارسوات آنے کی کوشش کریں گی۔
سینئر ماہرین آثار قدیمہ نے کہا کہ گندھارا کے علاقے میں مٹی کے برتنوں کے بھٹوں کی دریافت بہت کم ہے کیونکہ اس قسم کی دریافتوں کی چند ہی مثالیں موجود ہیں۔
سوات یونیورسٹی اور اٹلی کی فوسکری یونیورسٹی کے طلباء نے بھی کھدائی میں حصہ لیا۔ انہوں نے کہا کہ آثار قدیمہ کے طلباء کے لیے عملی کھدائی ضروری ہے کیونکہ وہ خود علم حاصل کرتے ہیں۔
ناصر خٹک جو کہ ٹیم کے ساتھ محکمہ آثار قدیمہ کے نمائندے کے طور پر کام کر تے ہے نے کہا کہ محکمہ نے اس جگہ کی کھدائی میں اطالوی آثار قدیمہ کے مشن کی مدد کی۔
"ہمیں خوشی ہے کہ اطالوی آثار قدیمہ کا مشن سوات میں طویل عرصے سے کام کر رہا ہے۔ صوبائی حکومت اور محکمہ آثار قدیمہ نے ماضی میں بھی اس کی معاونت کی اور آئندہ بھی کریں گے۔ یہ دریافت انتہائی اہمیت کی حامل ہے اور پاکستان کے آثار قدیمہ کے خزانے میں ایک تازہ اضافہ ہے۔
انہوں نے کہا کہ محکمہ آثار قدیمہ صوبے میں ثقافتی ورثے کے تحفظ کے لیے کوشاں ہے۔
