سوات (مارننگ پوسٹ)  سوات میں سردی کی شدت میں اضافہ ہونے کے ساتھ ہی مینگورہ اورسیدو شریف کے مختلف علاقوں میں گیس لوڈ شیڈنگ کا دورانیہ بیس گھنٹے تک پہنچ گیا۔ سوئی گیس صارفین کا کہنا ہے کہ دن کے او قات میں گیس کی فراہمی مکمل بند ہوتی ہے۔ رات گئے جب لوگ سوتے ہیں، تو کچھ گھنٹوں کے لئے گیس کی فراہمی شروع ہو جاتی ہے۔ پھر اذان فجر کے ساتھ گیس کی فراہمی بند ہو جاتی ہے جس کی وجہ سے لوگوں نے لکڑی اور ایل پی جی گیس کا استعمال شروع کردیا ہے۔