تھانہ چارباغ پولیس کا امن و امان برقرار رکھنے کیلئے سرچ اینڈ سٹرائیک آپریشن کا انعقاد
تفصیلات کے مطابق: موجودہ حالات کے پیش نظر ڈسٹرکٹ پولیس آفیسر دلاور خان بنگش کی خصوصی احکامات پر تھانہ چارباغ پولیس کا ملک دشمن عناصر کے خلاف تحصیل چارباغ کے علاقہ آڈو، توہا، کنڈو وغیرہ کے مضافات میں سر چ اینڈ سٹرائیک آپریشن کا انعقاد کیا۔ سرچ آپریشن ملک دشمن عناصر اور مجرمانہ سرگرمیوں میں ملوث جرائم پیشہ عناصر کے خلاف نیشنل ایکشن پلان کے تحت کیا گیا۔ سرچ آپریشن میں ضلعی پولیس، لیڈی پولیس،ایلیٹ فورس کے جوانوں نے شرکت کی۔ سرچ آپریشن کی نگرانی براہ راست ایس ڈی پی اُو خوازہ خیلہ اعجاز خان کر رہے تھے۔
ڈسٹرکٹ پولیس آفیسر دلاور خان بنگش نے اپنے پیغام میں کہا کہ سرچ اینڈ سٹرائیک آپریشن کا مقصد معاشرے میں امن و امان برقرار رکھنا اور ملک دشمن عناصر کا خاتمہ کرنا ہے۔ انہوں نے مزید کہا کہ کسی کو بھی حکومتی اداروں کی رٹ چیلنج کرنے اور امن و امان کی صورتحال خراب کرنے کی ہر گز اجازت نہیں دی جائیگی اور جرائم پیشہ عناصر کے خلاف جنگ ان کے جڑ اکھاڑ پھینکے تک جاری رہے گا اور عوا م کے جان و مال کی تحفظ کو ہر صورت یقینی بنائیں گے۔ ڈسٹرکٹ پولیس آفیسر دلاور خان بنگش نے سوات کے غیور عوا م سے بھی اپیل کی کہ وہ اپنے آس پاس کسی بھی قسم کی مشکوک سرگرمی یا مشتبہ افراد کی اطلاع مقامی پولیس کو بروقت دیکر جرائم کے خلاف پولیس کے ہاتھ مضبوط کریں۔ کیونکہ عوام کی تعاون کے بغیر پولیس کاروائیوں کی کامیابی ممکن نہیں ہے۔ پولیس کی ڈیوٹی قانون پسند شہریوں کا تحفظ اور امن و امان کا قیام ہے۔