سوات:خیبر پختونخوا کے ضلع سوات کی سیاحتی و حسین وادی کالام اور اس کے مضافات کے علاقوں میں ہر قسم زمینوں کی خرید و فروخت پر مکمل پابندی لگا دی گئی۔ ڈسٹرکٹ رجسٹرار/ ڈپٹی کمشنر سوات نے چھٹی نمبر 33110/PA/DC(S) میں تمام متعلقہ محکموں کو لکھا ہے کہ وادیِ کالام اور مضافات میں زمینوں کے حوالے سے متعدد شکایات موصول ہوئی ہیں جن میں ایک زمین کو کئی افراد کے ہاتھ فروخت، زمینوں پر قبضہ، ملکیت کے مسائل کی وجہ سے علاقہ کے امن کو خطرہ ہے۔ کالام میں ابھی تک پٹوار میں آباد کاری نہیں ہوئی جس کا کام جاری ہے۔ اس وجہ سے پٹوار حلقہ جات اور تمام متعلقہ محکموں کو حکم دیا گیا ہے کہ وہ وادیِ کالام میں زمینوں کی خرید و فروخت پر مکمل پابندی لگادیں۔