سوات:ایلم سکاوٹس گروپ او رویلفیئر فاؤنڈیشن کی جانب سے ماہِ صیام میں ہر روز ایک ہزار سے زائد گھرانوں کو مفت پکا ہوا کھانا، چٹنی اور کجھور فراہم کیا جاتا ہے۔ گروپ کے سربراہ سیاب خان کے مطابق ملک میں مہنگائی اوربے روزگاری کی وجہ سے غریب لوگ ماہِ رمضان میں اچھے کھانے سے روزہ اِفطار نہیں کرتے جس کی وجہ سے مخیر حضرات کے تعاون سے وہ روزانہ ایک ہزار سے گیارہ سو گھرانوں کو معیاری کھانا دیتے ہیں۔ انہوں نے کہا کہ اس کام میں سکاوٹس کے رضاکار اُن کے ساتھ مدد کرتے ہیں۔ نمازِ عصر سے لوگ اپنے گھروں سے برتن لاتے ہیں جن میں نمازِ مغرب تک ہر روز ان کو کھانا دیا جاتا ہے۔ انہوں نے کہا کہ لوگ نقد رقم کے علاوہ گوشت، سبزی، دال، گھی کے ذریعے بھی اُن کی مدد کرتے ہیں۔