خیبر پختونخوا حکومت نے ناقص کارکردگی والے ڈیڑھ ہزار سکولوں اور 55کالجز کو آؤٹ سورس کرنے کا عمل شروع کر دیا ہے۔
چیف سیکرٹری خیبر پختونخوا نے اس حوالے سے بتایا کہ سکول اور کالجز کو آؤٹ سورسنگ کا مقصد معیار کو بہتر کرنا ہے، یقینی بنایا جائے کہ آؤٹ سورسنگ کیلئے ادارے معیار پر پورے اتریں۔
چیف سیکرٹری کے مطابق آئوٹ سورس کیے جانے والے سکولوں میں ضم اضلاع کے 500 سکولز بھی شامل ہیں۔
خیال رہے کہ صوبے میں میٹرک کے حالیہ نتائج انتہائی مایوس کن رہے ہیں سینکڑوں سرکاری اسکولوں میں میٹرک کے نتائج کا تناسب بہت کم رہا ہے ۔
صوبے بھر میں ہزاروں کی تعداد میں طلبہ فیل ہو چکے ہیں ، بہت سارے ایسے اسکول بھی ہیں جن میں کامیابی کی شرح صفر فیصد رہی ہے۔