سوات(فضل خالق) مینگورہ بازار میں سینکڑوں چائے اسٹال مالکان نے کہا ہے کہ لاک ڈاؤن کی وجہ سے پچھلے چار ماہ کے دوران ان کی روزانہ کی آمدنی میں 70 فیصد کمی واقع ہوئی ہے۔
سوات کی مشہور مشروب کالی چائے تھی جہاں لوگ اسے کثرت سے پیتے تھے یہی وجہ ہے کہ کورونا وبائی بیماری پھیلنے سے پہلے ان کا زبردست کاروبار تھا۔
مینگورہ میں چائے کے ایک اسٹال مالک اصغر خان نے بتایا ، "کورونا وائرس پھیلنے سے روکنے کے لئے حکومت کی طرف سے لاک ڈاؤن نافذ کرنے سے پہلے ، ہم صبح چائے کا اسٹال کھولتے تھے اور رات اسے بند کرتے تھے۔ بڑی تعداد میں صارفین چائے پینے اور لینے آتے تھے۔مگر لاک ڈاؤن کے دوران میں نے صبح 10 بجے اپنا اسٹال کھولتا اور شام 7 بجے اسے بند کردیتا ہو
انہوں نے مزید کہا کہ وہ تلے ہوئے انڈوں کے ساتھ پراٹھا بھیج تے تھے لیکن ہم نے ان کا فروخت کرنا بند کردیا ہے کیونکہ صارفین کو چائے لینے کے لئے اس کے اسٹال پر بیٹھنے کی اجازت نہیں ہے۔ انہوں نے بتایا کہ صرف چائے کے شوقین اس کے چائے کے اسٹال سے بطور پارسل چائے لے جاتے ہیں
اصغر خان نے نے بتایا کہ میرے اسٹال پر میرے پاس 20 کارکن تھے لیکن اب صرف پانچ افراد میرے ساتھ کام کرتے ہیں۔ باقی 15 افراد بے روزگار ہیں اور وہ مجھے کام کے لئے روزانہ کہتے ہیں لیکن میں انھیں نہیں رکھ سکتا کیونکہ میں انہیں ان کی مزدوری ادا نہیں کرسکتا۔
مینگورہ بازار میں چائے کے 200 سے زائد اسٹالز ہیں جہاں روزانہ کی بنیاد پر ایک ہزار سے زائد کارکنان کام کرتے تھے لیکن کورونا وائرس پھیلنے اور لاک ڈاؤن نافذ کرنے کے بعد 70 فیصد کارکن بے روزگار ہوگئے ہیں۔
"چائے کے ایک اسٹال پر کام کرنے والے عبداللہ نے بتایا۔ "ہمارے روز مرہ کے بیشتر مزدور بے روزگار ہیں اور وہ ، جو کام کرتے ہیں ، پہلے سے کم کماتے تھے۔ لاک ڈاؤن سے ایک دن پہلے مجھے 800 روپے دیئے جاتے تھے لیکن اب مجھے روزانہ 400 روپے دیئے جاتے ہیں
رنگ محلہ کے رہائشی اقبال علی نے بتایا کہ مجھے بہت پریشانی ہے کیوں کہ میرے پاس اور کوئی کام نہیں ہے "میرے کنبے کی روزی روز مرہ کی آمدنی پر منحصر ہے جہاں مجھے یہ آمدنی چائے کے ایک اسٹال سے ملتی تھی جہاں میں کام کرتا تھا۔ میں روزانہ 800 روپے کما تا تھا لیکن اب لاک ڈاؤن کی وجہ سے میں بے روزگار ہوں۔ ۔
چائے کے اسٹال مالکان نے بتایا کہ حکومت نے اعلان کیا تھا کہ دکان کے مالکان کرایہ وصول نہیں کریں گے لیکن یہ محض اعلان تھا۔
ایک اور چائے والے اسٹال کے مالک حکیم خان نے کہا ، "میرے چائے کے اسٹال کی عمارت کا مالک کرایہ میں رعایت نہیں دینا چاہتا کیونکہ اس کا کہنا ہے کہ اس کے پاس اپنا خاندان اور دیگر سرگرمیوں پر پیسے خرچ ہوتےہیں۔” مجھے اپنے اسٹال کا کرایہ ہر ماہ ادا کرنا پڑتا ہے۔
