سوات(مارننگ پوسٹ)جمعیت علما اسلام سوات کے ترجمان محمد اعجاز خان نے کہا ہے کہ بی آر ٹی افتتاح کے بعد حیلے بہانے ختم، کرپشن کی تحقیقات کرائی جائیں، پی ٹی آئی کی تسلیم شدہ غلطی آخر کار تکمیل تک پہنچ گئی ہے،حکومت سے گذارش کرتے ہیں کہ آزادانہ تحقیقاتی کمیشن بنائی جائے،انہوں نے کہا کہ مہنگے ترین منصوبے کی فوری تحقیقات کا آغاز کیا جائے، اس منصوبے پر جو خرچہ آیا ہے اسکی تفصیلات عوام کے ساتھ شیئر کی جائیں، تحقیقات کا دائرہ اکتوبر 2017 سے شروع کیا جائے، اعجاز خان نے مزید کہا کہ عوام کو بتایا جائے کہ ان کے پیسے کے ضیاع کے پیچھے کس کا ہاتھ تھا، جو قرضہ اس منصوبے کیلئے لیا گیا ہے اسکی تفصیلات بھی سامنے لائی جائیں، قرضے کی کل لاگت، شرائط ،کرنسی، واپسی،خیبرپختونخوا کے عوام کتنے مقروض ہوئے ہیں، ہم امید رکھتے ہیں کہ حکومت اپنے وعدیکے مطابق تمام تفصیلات عوام کے سامنے لائے گی۔