وادی سوات کو بھی ٹھنڈی ہواوں ،بارش اور سردموسم نےاپنی لپیٹ میں لیا ہوا ہے، جہاں کے بالائی علاقوں میں ہر سال موسم سرما کے دوران 10 سے 12 فٹ تک برف باری بھی ریکارڈ کی جاتی ہے۔ نومبر سے اپریل تک بارش،ٹھنڈٰ ہوائیں اور برف باری سے سوات کی سوغات سواتی چپلی کباب کے مانگ میں اضافہ ہو جاتا ہے۔
سوات کے بالائی علاقوں کالام، مالم جبہ اور میاندم کے پہاڑوں پر برف باری جبکہ میدانی علاقوں میں بارش سے سردی کی شدت میں اضافہ ہوا تو شہریوں نے سواتی سوغات گرم گرم چپلی کباب کی دکانوں کا رخ کیا۔
شہری کہتے ہیں کہ سرد موسم میں چپلی کباب جسم کو گرم رکھتے ہے اور ذائقے دار بھی ہے،سارے لوگ یہاں آتے ہیں اور اتنا رش ہو تا ہے کہ باری نہیں آتی۔
سرد موسم میں چپلی کباب مقامی لوگوں کے ساتھ ساتھ سیاح بھی شوق سے کھاتے ہیں۔
دکاندار کہتے ہیں کہ سواتی چپلی کباب کی تیاری میں 5اقسام کے مصالحے استعمال ہوتے ہیں، جس کے باعث یہاں کے کباب کا ذائقہ منفرد ہوتا ہے۔
دکاندار کہتے ہیں کہ سردی بڑھتے ہی چپلی کباب کی دکانوں میں رش لگ جاتا ہے اور ان کاکاروبار چمک اٹھتا ہے۔
