تختہ بند روڈ نیوسبزی منڈی مینگورہ کا افتتاح کردیا گیا

سوات (مارننگ پوسٹ) آل سوات سبزی منڈی اتحاد ایسو سی ایشن کی جانب سے تختہ بند روڈ نیوسبزی منڈی مینگورہ کا افتتاح ہوگیا ، حاجی محمد حسن نے صدر حاجی شیر عالم خان اور دیگر عمائدین کے ہمراہ افتتاح کیا ، اس موقع پر سبزی منڈیوں کے مالکان اور فرمز نے بھر افتتاحی تقریب میں بھر پور شرکت کی ، اس موقع پرصدر شیر عالم خان ، صاحب جمال ، فنانس سیکرٹری کامران خان ،پریس سیکرٹری اختر حیات فرزند حاجی گل عمبر ، جنرل حاجی خورشید خان ، ہدایت اللہ فرزند امان اللہ ، حمید خان اور دیگر نے خطا ب کرتے ہوئے کہا کہ ہمارا کسی سے کوئی اختلاف نہیں ، فرمز اور متعلقہ لوگوں سے مشاورت کے بعد سبزی منڈی کا افتتاح کیا ، انہوں نے کہا کہ سبزی منڈی میں مزید 77 نئے دکانات تعمیر کئے جائیں گے ، انہوں نے کہا کہ سبزی منڈی میں تمام لوگوں کو عزت دی جائیگی اور کسی کی حق تلفی نہیں کی جائیگی ، انہوں نے کہا کہ تختہ بند روڈ پر کشادہ اور ٹریفک مسائل سے پاک جگہ پر سبزی منڈی کے قیام سے لوگ مستفید ہوں گے ، سبزی منڈی میں ہزاروں لوگوں کی رزق حلال کمانے کی گنجائش ہوگی ، انہوں نے اس بات پر زور دیا کہ ہم ایک ہوکر سبزی منڈی کو ترقی کی راہ پر گامزن کریں گے ۔