سوات: ڈپٹی کمشنر سوات جنید خان کی ہدایت پر تحصیل انتظامیہ کے آفیسرز نے دریائے سوات کے کنارے غیر قانونی کھدائی کے خلاف کارروائی کرتے ہوئے چھاپہ، دو ایکسکیویٹرز، چار مینی ٹرکوں اور چار ٹریکٹرز کی موقع پر ضبطی اور ایف آئی آر درج کرنے کے کئے مقامی تھانے کے حوالے کردیے گئے۔ اس سلسلے میں اسسٹنٹ کمشنر مٹہ عبدالطیف نے کارروائی کرتے ہوئے متعدد افراد کو گرفتار کیا ہے اور ایف آئی آر درج کرلی ہے۔ گرفتار کئے گئے افراد دن رات کی تاریکی کا فائدہ اٹھاتے ہوئے غیر قانونی طریقے سے بجری اور ریت نکالنے میں مصروف تھے اور جس کے لئے بھاری مشینری کا استعمال کیا جارہا تھا۔ یاد رہے کہ دریائے سوات کے اطراف ہر قسم کی ترقیاتی سرگرمیوں، کھدائی، بجری اور ریت نکالنے پر دفعہ 144 کے تحت ضلعی انتظامیہ نے پابندی لگائی ہوئی ہے اور دریا اطراف ہر قسم کی غیر قانونی کھدائی کرنے، بجری اور ریت نکالنے والوں کی دن رات کڑی نگرانی جاری ہے۔