سوات میں مستحق سیکڑوں غریب خاندانوں کا سروے مکمل کرلیا گیا

سوات:غیر سرکاری تنظیم ”کارواں“ نے سوات میں 18 سوایسے خاندانوں کا ڈھونڈ لگایا جن کی ماہانہ آمدنی 8 ہزار روپے سے کم ہے اور ان کو زکوٰۃ، بے نظیر انکم سپورٹ سمیت کسی قسم کی امداد نہیں مل رہی۔ سروے مکمل ہونے کے بعد اس بارے اجلاس منعقد ہوا جس میں محکمہ زکوٰۃ، بے نظیر انکم سپورٹ، احساس پروگرام اور اسٹیٹ لائف انشورنس کارپوریشن کے افسران نے شرکت کی۔ اجلاس کو بتایا گیا کہ ان میں سے 15سو خواتین کے شناختی کارڈ نہیں بنے ہوئے تھے، ان کے شناختی کارڈ بنوائے گئے۔ اب سروے کا یہ ڈیٹا محکمہ زکوٰۃ، احساس، بے نظیر انکم کو دیا جائے گا جس کے بعد ان 18 سو خاندانوں کو صحت سہولت اور دیگر امداد مہیا کی جائے گی۔